Aprelin 22-də Beynəlxalq Türk Mədəniyyəti və İrsi Fondunda təşkilatın prezidenti Günay Əfəndiyevanın TÜRKPA Sosial, Mədəni və Humanitar Məsələlər Komissiyasının deputatları ilə görüşü, eləcə də 23 aprel - Milli Suverenlik və Uşaq Gününə həsr olunmuş “Türk dünyasının uşaqlarının birliyi" adlı tədbir keçiriləcək və azərbaycanlı rəssam Kövsər Qurbanın rəsmlərindən ibarət sərgi açılacaq.
21-04-2022AZƏRTAC xəbər verir ki, tədbir Fond ilə təşkilatın üzv və müşahidəçi ölkələri arasında əməkdaşlıq əlaqələrinin daha da güclənməsi və gənc nəsli türk dünyasının maddi-mədəni dəyərləri ilə tanış edilməsi məqsədilə təşkil olunacaq.
Mərasimdə türk ölkələrini təmsil edən uşaqlar tərəfindən türk dünyasının həmrəyliyini ifadə edən mahnılar oxunacaq, rəqslər nümayiş ediləcək, şeirlər söyləniləcək.