Paylaş:

Bu barədə AZƏRTAC-a “Vikipediya” üzrə mütəxəssis, diaspor üzrə araşdırmaçı-ekspert Elnur Eltürk məlumat verib. O bildirib ki, son bir neçə ayda “Qorqud” Vikipediya Metodik Klubunun könüllüləri və klubun eksperti Ayxan Zayıdzadə tərəfindən müxtəlif dillərdə məqalələrin yaradılması prosesi davam etdirilir. Belə ki, könüllülər tərəfindən onlayn ensiklopediyada Füzuli Beynəlxalq Hava Limanı haqqında ispan, portuqal, macar, Alxanlı faciəsi haqqında isə serb və macar dillərində məqalələr yaradılıb. Bundan əlavə, "Vikipediya"nın müxtəlif xarici dil bölmələrində III Aleksandrın Bakıya səfəri, Zəngəzur qəzası, Səngəçal karvansarası (ingilis), Aşağı məhəllə sinaqoqu, Yuxarı məhəllə sinaqoqu (rus), Zəngəzur qəzası (özbək), Qiyaslı məscidi (ispan), ilk diaspor təşkilatlarımızdan olan Dünya Azərbaycanlıları Konqresi (türk, özbək, ispan, xorvat, fransız) haqqında məqalələr yaradılaraq onlayn ensiklopediyada yerləşdirilib.

Xatırladaq ki, “Qorqud” Vikipediya Metodik Klubu Milli Məclisin deputatı Elnur Allahverdiyevin təşəbbüsü ilə yaradılıb.