Milli Azərbaycan Tarixi Muzeyinin Köməkçi Tarixi Fənn Materialları Fondunda dövlət qurumlarına, bir sıra xarici ölkələrə aid möhürlərlə yanaşı, müxtəlif dövrlərin hökmdarlarına və tanınmış şəxsiyyətlərə məxsus möhürlər də mühafizə olunur.
07-06-2022Muzeydən AZƏRTAC-a bildirilib ki, kolleksiyadan təqdim edilən belə möhürlərdən biri də Dərbəndlilər sülaləsindən olan Şirvanşah Muhəmməd Qazi bin Fərrux Yəsarın qısamüddətli hakimiyyəti dövründə Şamaxıda zərb edilib (1501-1502-ci illər).
Metaldan olan möhürün mərkəzi hissəsində ərəb qrafikası ilə “Şamaxı zərbi, 907”, ətrafında isə dairəvi şəkildə “Sultan Muhəmməd Qazi Şirvanşah ədalətli, möminlərin əmiri” sözləri həkk edilib.