İstanbulda PKK terror təşkilatının üzvlərinin saxlanılması istiqamətində növbəti əməliyyat keçirilib.
16-06-2021AZƏRTAC xəbər verir ki, Türkiyənin xüsusi təyinatlı polis qüvvələrinin də iştirak etdikləri əməliyyatlar şəhərin beş müxtəlif rayonunda aparılıb. Əməliyyat nəticəsində PKK terror təşkilatı ilə əməkdaşlıqda təqsirləndirilən beş nəfər şübhəli şəxs qismində saxlanılıb.
Onların yaşadıqları evlərdə terror təşkilatına aid çoxlu sayda rəqəmsal material ələ keçirilib.
Araşdırmalar davam edir.
Günel Məlikova
AZƏRTAC-ın xüsusi müxbiri
İstanbul