DÜNYA: Çindən Qırğızıstana növbəti humanitar yardım göndərilib.....

Çindən Qırğızıstana növbəti humanitar yardım göndərilib.....

Bu gün Qırğızıstan müstəqilliyinin 30 illiyi münasibətilə Çindən bu ölkəyə COVID-19-la müdafiə tədbirləri çərçivəsində növbəti humanitar yardım göndərilib.
14-09-2021

AZƏRTAC Qırğızıstan Səhiyyə Nazirliyinin mətbuat xidmətinə istinadla xəbər verir ki, humanitar yardıma 3 milyon ədəd tibbi maska, 100 min ədəd 95 nömrəli tibbi maska, 20 min komplekt tibbi kostyum daxildir.

Səhiyyə nazirinin müavini Uluqbek Bekturqanov “Manas” beynəlxalq hava limanında humanitar yardımı qəbul edərkən Çin tərəfinə minnətdarlıq edib, əmin olduğunu bildirib ki, göndərilən müdafiə maska və kostyumları ölkədə COVID-19-un qarşısının alınmasına yardımçı olacaq.

Qulu Kəngərli

AZƏRTAC-ın xüsusi müxbiri

Bişkek