Paylaş:

Xidmətdən bildiriblər ki, martın 11-də arabir yağış yağacağı, martın 12-də gündüz yağışın sulu qar, qara keçəcəyi, bəzi yerlərdə intensiv olacağı ehtimalı var. Martın 12-də günün ikinci yarısında çovğun olacağı ehtimal edilir.

Havanın temperaturu ötən günlərlə müqayisədə 3-5° enəcək, martın 12-dən 13-nə keçən gecə 0° olacaq.

Martın 11-i gündüz Azərbaycanın şimal və qərb rayonlarından başlayaraq 13-ü səhərədək ölkə ərazisində hava şəraitinin qeyri-sabit keçəcəyi, arabir yağıntılı olacağı, bəzi yerlərdə qar yağacağı, ayrı-ayrı yerlərdə intensiv olacağı proqnozlaşdırılır. Qərb küləyi əsəcək, sürəti saniyədə 15-20 metr olacaq, martın 12-də arabir 23-28, ayrı-ayrı yerlərdə arabir 30-33 metrədək güclənəcək.

Havanın temperaturu ötən günlərlə müqayisədə 5-8° enəcək. Əsasən dağlıq və dağətəyi rayonlarda yolların buz bağlama ehtimalı var.