Avropa Şurasının Baş katibi: Qarabağda müharibənin dayandırılmasına dair Bəyanatı alqışlayırıq.....

Həmişə ailəmizin 47 üzvündən və ya üzvü ilə danışmağa, bəzən hər ikisinə ehtiyac olur. Ölkələrlə dialoqa girmək təşkilatımızın baza prinsiplərindən biridir. Çətin anlarda, xüsusilə də Qarabağ və onun ətrafındakı böhran kimi hallarda ilk olaraq dialoq yaratmaq çox vacibdir. Münaqişənin həlli istiqamətində əlimizdən gələni etdik. Ötən ilin noyabrında imzalanan Qarabağda müharibənin dayandırılmasına dair sülh Bəyanatını alqışlayırıq.

<Avropa Şurasının Baş katibi: Qarabağda müharibənin dayandırılmasına dair Bəyanatı alqışlayırıq.....

AZƏRTAC xəbər verir ki, bu fikirləri Avropa Şurasının Baş katibi Mariya Peyçinoviç-Buriç AŞPA-nın yaz sessiyasında çıxışı zamanı söyləyib.

Baş katib bildirib: “Atəşkəs əldə ediləndən sonra rəsmi Bakı və Yerevan ilə dialoq qurmağa nail olduq. Atəşkəs qüvvəyə mindikdən sonra əsas məsələ Bəyanata riayət olunması və yekun sülh sazişi üzərində işləməkdir. Ancaq yekun sülh üçün tərəflər arasında etimadın yaranması ən vacib məsələdir. Təəssüf ki, bir sıra aqressiv çıxışlar və insidentlər bu prosesə mənfi təsir göstərir”.

Mariya Peyçinoviç-Buriç vurğulayıb ki, davamlı sülhün əldə olunması üçün onların hər iki tərəf üçün təklifləri hazırdır.

Şəhla Ağalarova

AZƏRTAC-ın xüsusi müxbiri

Strasburq